Última selmana p’apuntase al cursu avanzáu de Llingua Asturiana qu’entama la XDLA n'Uviéu

El martes próximu, 27 de marzu, va principiar un cursu avanzáu d’asturianu entamáu pola Xunta pola Defensa de la Llingua Asturiana (XDLA). Ésti va celebrase n’Uviéu, nel llocal Conceyu Abiertu asitiáu en Gascona.
 
El cursu, de 40 hores de duración, ta dirixíu a persones adultes que yá tengan conocimientu de llingua asturiana, orales y escritos. Les clases van tener llugar los martes y xueves de 19 a 21 hores, anque l’horariu pue modificase según les necesidaes de la xente matriculao. El preciu pa formalizar la inscripción ye de 30 euros.
 
Toles persones interesaes n’afondar nos sos conocimientos d’asturianu y de les rellaciones ente l’idioma y la sociedá pueden apuntase nos teléfonos 985.22.95.53 y 679.650.998, o nel corréu electrónicu info@exunta.org. Dende la XDLA destaquen qu’esti ye’l primer cursu qu’entamen dende que la Conseyería d’Educación y Universidaes acreditara en febreru a la organización cívica como entidá organizadora d’actividaes de formación permanente del profesoráu. “Agora tamos a la espera de qu’esti cursu se reconoza de formal oficial y pueda proporcionar creitos homologaos de formación al profesoráu de Primaria y Secundaria a quién lu curse con aprovechamientu”, espliquen.