Los Ciquitrinos presenten el so discu nel Uviéu Tierra Folk

Esti sábadu 10 d'abril dientro del 1er Ciclu de Conciertos Uviéu Tierra Folk, Los Ciquitrinos van adelantrar dalgún tema del so nuevu discu y van presentar el so nuevu espectáculu.

Los Ciquitrinos son una orquestina folc asturiana que depués de más de diez años dende la so composición como grupu musical, sacaron al mercáu'l so primer trabayu discográficu autoproducíu, "Faciendo l´indiu", onde se pue atopar una variada seleición de temes de distintos estilos, dende una jota o un pasodoble, pasando por unes muñeiras, hasta un Rap.
 
Variedá y orixinalidá pa tolos públicos recoyíu nun variáu trabayu, per un sitiu un CD musical producíu por músicu Alemán Andreas Prittwitz, y pol otru un llibreto-cómic de 22 páxines, ónde una historieta de temática "Hindú", rellata amestando realidá con ficción la historia del grupu.