Dixebra recueye güei en Madrid el so Premiu de la Música

|

L’Academia de la Música entrega güei los XIV Premios de la Música, nos que ‘Cantar de Redención’ de Dixebra, algamó’l galardón na categoría de meyor cantar n’asturianu.

La ceremonia entama a les 20.00 hores nel Teatru Häagen-Dazs Calderón de Madrid a les 20.00 hores. La gala tará presentada pola cantante Alaska, entregando premios Fernando Trueba; Vetusta Morla; Bimba Bosé; Dani Macaco; El Canto del Loco; Diana Navarro; Olvido Gara; Fernando Argenta; Luis Mendo; Carlos Narea; y Eduardo Bautista. La ceremonia será tresmitida per La 2 de TVE, el vienres 5 de marzu a les 22.00 hores.
 
La obra ganadora del premiu al meyor cantar n’asturianu, ta espublizada nel últimu discu de la banda, “Amor Incendiariu”. Paco Álvarez y Sergio Rodríguez son los autores de ‘Cantar de Redención’, que s’impuso a  “11 de mayu” de Mapi Quintana, “El canciu’l mineru” de Spanta la Xente y “Ye lo que nos pasa” de Músicos pola Oficialidá.
 
Los ganadores dende la creación de la categoría, una reivindicación del coleutivu de músicos asturianos, foron Pepín Robles con «Nunca máis» (2004), Chus Pedro con «Agora sal a bailar» (2005), Los Berrones con «Fai deporte» (2006), Rossaleda Jazz Quartet con «Na fonte» (2007), Tejedor con «Seique non» (2008) y Esther Fonseca con «Negra» (2009).

Contador Estadistiques