El PP diz que l'alcuentru de Zapatero con Areces ye "un conceyu de rellenu"

La diputada del PP, Alejandra Cuétara, afirmó güei que'l conceyu calteníu ente'l presidente del Principáu y José Luis Rodríguez Zapatero pa tratar el nuevu modelu de financiación "en realidá nun aportó nada", puesto que nun se cuenten económicamente les propuestes. Cuétara consideró que Zapatero "ta mui condicionáu colos plazos del Estatutu catalán, polo que piensa que los conceyos billaterales col restu de comunidaes "son de rellenu".

En declaraciones a Europa Press, Alejandra Cuétara calificó de "mui poco serio y nada riguroso" anunciar la intención de pesllar el nuevu modelu de financiación a 31 d'avientu y nun tener una cantidá concreta. "Dende'l PP pidimos muncha prudencia porque falamos del 70% del presupuestu rexonal y estes feches nun son les más apropiaes p'aldericar esto a la trágala con una crisis a la vuelta de la esquina", dixo Cuétara.

N'opinión del PP asturianu Zapatero debía pidi-y a Montilla "que se tranquilice" y destacaron que "si s'esperó lo muncho se puen esperar un par de meses más pa pesllar el modelu". Nesti sen, Alejandra Cuétara alvirtió que les prises nesti asuntu puen ser lletales".

"Paez que mos quieren dar un aguilandu pa convencemos y dempués mos pue tar esperando una crisis que reste recursos y posibilidaes de crecer al Principáu", dixo Cuétara, qu'insistió na necesidá d'esperar "un par de meses pa ver como evoluciona la economía", enantes de pesllar un acuerdu.

La diputada 'popular' indicó que'l PP asturianu nun va consentir que variables como l'avieyamientu y dispersión pierdan pesu, y añadió qu'agora "traten de vendemos que nun se van incluyir eses variables, cuando lo cierto ye que yá tán incluyíes". "Nun podemos consentir que l'avieyamientu pierda pesu frente a la población", concluyó.