El festival Pueyes Rock va celebrase pese a la reclamación de la SGAE

|

L'Asociación Cultural Boides va celebrar esti añu la so novena edición del festival Pueyes Rock, que dende 2001 vien desarrollándose na parroquia maliaya a últimos de setiembre.

L'añu pasáu, el fesitival nun pudo cellebrasequitando porque los organizadores barrutaben la posible llegada d'una reclamación de la SGAE por drechos d'autor. Dicha reclamación unvióse hai dos selmanes.
 
Los responsables del eventu tán citaos a un actu de conciliación nos xulgaos, nos que la Sociedá reclamará-yos más de 14.000 euros polos derechos xeneraos nes ediciones 2005, 2006, 2007 y 2008. L'alcuentru va tener llugar el próximu llunes, ún de marzu, y al mesmu tamién tán llamaes la Sociedá Villaviciosina de Festexos (Sovife), encargada de les fiestes del Portal (Villaviciosa capital), y la Comisión de Festexos de la parroquia maliaya de Poreñu, entidaes a les que la SGAE pide de la mesma manera les correspondientes tarifes.
  
Pese a esta problemática, miembros de Boides confirmaron a Europa Press que'l Pueyes Rock sí se va celebrar esti añu, independientemente del resultáu de la cita xudicial. De fechu yá hai un grupu confirmáu, Skama la Rede, que na so páxina web yá anuncia la fecha del festival, vienres 24 de setiembre. Otros grupos baraxaos pa esta edición, pero tovía por confirmar, son Fala Non Caduca, La Tarrancha, Desorden y Brutus' Daughter, un conxuntu de punkfolk de Madrid
 

Contador Estadistiques