"El Xanu'l Caborniu", meyor blogue 2009

|

Tres les votaciones celebraes a lo llargo de xineru, nes que participaron 53 blogues n’asturianu, la comunidá bloguera escoyó a “El Xanu’l Caborniu” como la meyor páxina de 2009.

El Xanu’l Caborniu con 59 votos, yá entró a formar parte de la pequeña historia del ciberespaciu asturianu, siendo elixíu meyor blogue de 2009, amás d’algamar tamién el premiu al meyor diseñu. En segundu puestu quedó La verdá ye mentira con 45 votos, y en terceru González y González, que foran ganadores de la pasada edición.
 
Dientro’l II Sidra&Blogues que se celebrará’l 20 de febreru na Casa los Alberti de Ciañu (Llangréu), de magar les 17 hores, habrá una entrega de premios pa reconocer el trabayu fechu polos blogueros seleccionaos.
 
Dende la organización de les votaciones, quieren dar les gracies a tola xente que los sofitó, participando y espardiendo la idea, a los que se punxeron en contautu pa ufrir la so ayuda y a los que participaron activamente.
 
Les votaciones d’esti añu tuvieron entamaes dende los blogues La Esfoyaza y TrayasgayA cola collaboración de marquinos y "González y González". La primer vez que se convocó esti concursu foi en 2009 pa escoyer el meyor blogue del añu anterior, resultando vencedores “González y González”.

Contador Estadistiques