La Tarrancha saca a la cai el so discu nuevu Ö-3-3

|

La Tarrancha yá tien na cai Ö-3-3 (Otres tres), el primer discu de llarga duración de la banda. Autoproducíu pol grupu y el sellu Algamar Producciones, el discu foi grabáu en Tutú Estudiu por Sergio Rodriguez nel pasáu mes d’ochobre.

Por tar el grupu a la contra de la política de la SGAE, el discu tien llicencia Creative Commons y yá ta disponible na rede. El discu yá ta disponible pa descargalu en emule, asina como en megaupload. Nel myspace de la banda podeís ver los sitios onde se pue mercar, amás d’información sobre conciertos y demás.

La base del soniu de La Tarrancha ye’l ska y el reggae, pero dando-y pincelaes que van dende’l funk al swing, dende’l ragga al folk o de la pachanga a la música tradicional. Too ésto ye lo qu’ellos autodefinen al so propiu estilu como “Mecigayu Ska”.
 
La temática de les lletres ye variada; diendo dende l’amor, a la reivindicación; de la critica, al cachondeo; de la muerte, a la vida y del mundu, al chigre. Tolos cantares son n’asturianu, menos ún d’elles que ta na fala del la zona Navia-Eo.

Contador Estadistiques