José Antonio Madiedo renuncia al cargu de director xeneral de Pesca d'Asturies pal que lu propunxeron

|

José Antonio Madiedo renunció al cargu de director xeneral de Pesca del Principáu dientro de la Conseyería de Mediu Rural, pal que foi propuestu pol nuevu conseyeru Aurelio Martín. Madiedo atribúi a motivos "esclusivamente personales y familiares" la so renuncia al cargu, según informó la Conseyería al traviés d'una nota prensa.

José Antonio Madiedo Piñera, de 35 años d'edá, y fíu de José Antonio Madiedo Acosta, presidente de l'Asociación Española de Marina Civil, ye llicenciáu n'Alministración y Xestión d'Empreses pola Universidá de San Luis (EE.UU), y nesti momentu trabaya como profesor asociáu na Universidá de Massachusetts y como profesor visitante del Amherts College.

Enantes d'exercer la docencia, Madiedo exerció llabores d'executivu y director de proyeutos en delles empreses, principalmente rellacionaes col sector de les nueves teunoloxíes. Hasta'l momentu, nunca ocupó nengún cargu públicu.

Taba previsto que Madiedo sustituyere nel cargu a José Antonio Cabrera, qu'accedió al mesmu tres el cese d'Alberto Vizcaíno, en xineru d'esi añu.

Contador Estadistiques