Nuevu trunfu del Sporting fuera de casa

|

Un golazu de Carmelo valió pa da-y otros tres puntos a los asturianos fuera d'El Molínón, esta vez énte un Espanyol mui feble en toles llinies nun partíu nel que'l Sporting, menos ambiciosu de lo habitual, supo aguantar el resultáu. Gracies a esta victoria en Barcelona'l Sporting queda nel décimu puestu, con 18 puntos. Hai que conseñar qu'esta derrota de los espanyolistes supunxo la destitución del so entrenador.

El partíu entamó igualáu anque poco a poco'l Sporting foi ganado'l campu de xuegu énte un Espanyol que foi un querer y nun poder durante tol partíu. Depués de delles aprosimaciones visitantes, nel minutu trenta Carmlo recueye un pase nel mediu'l campu de Gerard, avérase al área y a unos trenta cinco metros de la portería enchufa un tiru pela escuadra que a la fin supondría la victoria del Sporting. Un auténticu golazu que punxó a la afición y xugadores espanyolistes mui nerviosos.

Na segunda parte'l Sporting dedicóse a guardar el resultáu, intentando sentenciar nos contrataques énte un Espanyol cada vez mas nerviosu col resultáu. Un cabezazu de Coro que salió axustáu'l palu de Cuellar nel minutu 69 foi la oportunidá mas clara d'un equipu que punxo ganes pero poco futbol y qu'a la fin nun pudo evitar una derrota que'l públicu barcelonés "premió" con una pañolada contra'l so equipu y l'entrenador Márquez.

Ficha técnica

Espanyol: Kameni; Sergio Sánchez, Jarque, Lacruz, Beranger, Moisés (Román, min.47), Ángel, Coro, Luis García, Nené (Valdo, min.62) y Tamudo (Jonathan Soriano, min.58).

Sporting: Cuéllar; Sastre, Gerard, Hernández, Canella, Camacho, Matabuena, Pedro (Barral, min.65), Carmelo (Andreu, min.75), Castro y Bilic (Kike Mateo, min.83).

Goles: 0-1: Carmelo, min.30.

Árbitru: Pérez Lasa. Sacó tarxetes amarielles a Moisés (min.35), Jonathan (min.60), Lacruz (min.67), Roman (min.71), Luis García (min.77) y Kike Mateo (min.84).

Contador Estadistiques