Furmientu denuncia la “xordera” de la Xunta de Castiella y Lleón pol incumplimientu del artículu 5.1 del Estatutu

|

La asociación zamorana Furmientu vien d’amosar el so descontentu pola falta de respuesta de la Xunta de Castiella y Lleón sobre’l cumplimientu del artículu 5.1 del Estatutu, onde se fala de la protección, usu y promoción del lleonés. Furmientu diz que l’alministración castellano-lleonesa sigui “xorda ente lo que ye un imperativu llegal aprobáu poles nueses Cortes y una creciente demanda social”, amás d’agradecer l’interés mostráu pol Procurador de lo Común “y el so celu nel desempeñu de la so función”.

El Procurador de lo Común castellano-lleonés unvió por tercera vez a finales d’ochobre, enantes yá lo ficiera en mayu y setiembre, una resolución a les Conseyeríes d’Educación y Cultura instando a la alministración autonómica a poner en práctica les acciones precises pal cumplimientu del artículu 5.1, qu’afita que la protección, usu y promoción del lleonés serán oxetu de regulación. La Xunta de Castiella y Lleón nun dio hasta’l momentu nenguna respuesta, nin entamó nenguna acción dempués de les trés resoluciones del Procurador.

Contador Estadistiques