Los ordenadores van llegar a les aules de Primaria asturianes de manera "progresiva" según el Gobiernu

|

La conseyera d'Alministraciones Públiques y Vocera del Gobiernu, Ana Rosa Migoya, esplicó que la creación d'ordenadores p'alumnos de quintu de primaria, incluyida nel 'Plan Escuela 2.0', va ser "progresiva" y "paulatina". Asina, de les 385 unidaes de quintu de primaria existentes n'Asturies, Migoya dixo que nuna primer convocatoria, esta seronda, van distribuyise en 100, siguiendo criterios como la meyor adautación de necesidaes del centru o la formación del profesoráu.

   Posteriormente, según esplicó Migoya nuna rueda prensa n'Uviéu, van instalase en primavera lo ordenadores nel restu de les aules. Too va "en consonancia", esplicó, col acuerdu algamáu col Ministeriu d'Educación de firma d'un conveniu qu'estableza los recursos financieros pa la dotación d'esos ordenaodres. La idea y que'l final de cursu toles aules de quintu de primaria cuenten con ordenadores.

   Per otru llau, Migoya refirióse a un plan rexonal pa inversiones en conceyos. Esplicó que l'Executivu "ta trabayando" nel diseñu del mesmu y que nes próximes selmanes va tar preparada la propuesta, que va treslladase a la Federación Asturiana de Conceyos (FACC).

   Entrugada pol gripe A, Migoya insistió en que l'Executivu ta "coordináu dafechu" col Ministeriu de Sanidá, y señaló que tolos protocolos y aiciones van tomase tal y como s'acordó.

Contador Estadistiques