Asturies, ente les comunidaes con menor incrementu del consumu enerxéticu ente'l 2005 y el 2007

|

Asturies foi, xunto con Cantabria, la segunda comunidá autónoma na que menos aumentó'l consumu enerxéticu ente'l 2005 y el 2007, ambes, con una subida del 23,5%, perdelantre sólo del repunte de Galicia, que foi del 22,9%.Pela so parte, les  mayores subíes en dichu periodu rexistráronse en Canaries (52%), Aragón (51,1%) y Andalucía (47%), según la última encuesta oficial de Consumos Enerxéticos.

   En dichu informe ponse de manifestu tamién que Cataluña ye la comunidá que rexistra un mayor consumu eléctricu na industria, un 21,1% del total, siguida del País Vascu (12%) y Andalucía (10,6%).

   No referente al usu del gas, el primer puestu ocúpalu la Comunidá Valenciana (20,8%) a la que siguen Cataluña (20%) y Euskadi (10,3%).

   L'estudiu tamién revela que casi la quinta parte del total del consumu enerxétiu de les empreses industriales estractives y manufacturares concéntrase en Cataluña (19,8%). Síguenla la Comunidá Valenciana (13,1%), Andalucía (11,2%) y País Vascu (10,3%).

   La encuesta, que cita datos del 2007, revela que'l consumu d'electricidá na industria constitúi más del 50 por cientu del consumu enerxéticu n'ocho Comunidaes autónomes --Euskadi, Murcia, Asturies, Navarra, Cataluña, La Rioxa y Galicia--, cuando dos años antes, yéralo sólo en seis.
 

Contador Estadistiques