Les “Xornaes de la Música Alternativa Asturiana” piesllen esti sábadu con una folixa

|

Les Xornaes de la Música Alternativa Asturiana, eventu qu'emprincipió esti martes 25 d'agostu, echa'l pieslle esti sábadu 29 cola celebración d'una folixa dende les 18.00 hores nel Centru Social Sestaferia de Xixón (cai Joaquín Alonso Bonet). Xunto a una sardinada popular, va haber un alcuentru de sellos discográficos asturianos, distribuidores alternatives asturianes y publicaciones musicales, amás de música en vivu con gaiteros, percusionistes, curdionistes y pandereteres.

Tamién va haber tiempu pal baille tradicional asturianu, pal break dance, pa l'actuación de Djs y finalmente una "Jam sessiom participativa".

Meses redondes y conciertos fueron les actividaes d'estes primeres “Xornaes de la Música Alternativa Asturiana”, entamaes pol Ensame Cultural Sonastur y pol mediu de comunicación dixital sobre música alternativa asturiana FNAST.NET, y que contó col sofitu de la Conceyalía de Cultura Tradicional y Llingua Asturiana del Conceyu de Xixón.
 

Contador Estadistiques