Abiertu'l plazu del III Concursu “Trofeo Hermanos Cueli"

|

L'Asociación Cultural "La Marina" de Vidiagu tien abiertu'l plazu hasta esti 20 d'agostu pa inscribise nel III Concursu “Trofeo Hermanos Cueli", empobinao a pareyes de gaita y tambor. Esti troféu va desarrollase esti próximu domingu día 23 d'agostu a les 18:00 hores nel Centru Cultural de Riegu (escuela de Vidiagu), nel conceyu de Llanes.

Con esti concursu quier facese "un merecíu homenaxe a los hermanos Pedro y Víctor Cueli que dende los años vente hasta entamos de los setenta allegraron y dignificaron les fiestes de munchos pueblos de la fastera". El xuráu contará esta edición cola presencia d'Alfonso Fernández, director del Muséu de la Gaita, Manuel Durán, maestru tamboriteru, Ignacio Noriega, maestru gaiteru, y Manolín Vela, maestru tamboriteru.

Les bases del concursu pueden consultase nesta páxina web.

Contador Estadistiques