Esti sábadu celébrase la Nueche Celta de Ribeseya

|

Entamada pola Conceyalía de Cultura del conceyu de Ribeseya, la Nueche Celta va celebráse esti sábadu 15 d'agostu na Plaza Nueva de la capital rioseyana a partir de les 22:00 hores. Nella van actuar la formación astur-escocesa Hartley, xunto a los asturianos Tuenda y Corquiéu. Hartley ye una formación compuesta por Iain Macleod, mandolinista y compositor escocés y antiguu componente del grupu Shooglenifty, xunto a Simon Bradley y Xel Pereda, integrantes del perconocíu grupu Llan de Cubel.

Los otros dos grupos asturianos son vieyos conocíos nel panorama musical del país. Tuenda, que yá tien dos discos nel mercáu, l'últimu asoleyáu l'añu pasáu col títulu de "Tuenda 2", ta formáu por Elías García, Pepín S. Menéndez y Xosé Ambás. Pela so parte'l grupu rioseyanu Corquiéu diose a conocer nos escenarios allá pel añu 1997. Yá tienen dos discos nel mercáu y anguaño tán grabando'l terceru.

 

Comentarios

La pena ye nun ser a contratar a"The Simpson's Valley", grupu folk irlandés de lo que nos nuestroas díes vien a llamase "folk contestatariu". el so vocalista, Jeff Hundrerd, foi espulsáu de The Chieftains por apaecer emporricáu nun conciertu n'Otawa mientres canciaba "Pajaritos" acompañáu por un bagad bretón al completu. 

Gabis

Contador Estadistiques