L'ayuda del "cheque-bebé" podrá solicitase a partir d'esti 11 d'agostu

L'ayuda del llamáu "cheque-bebé" podrá solicitarse a partir del martes 11 d'agostu al traviés de la páxina del Principáu y del teléfonu 012. El Boletín Oficial del Principáu d'Asturies publica güei la resolución coles bases reguladores d'esta convocatoria, aprobaes el pasáu miércoles pol Conseyu de Gobiernu.
 
L'oxetivu "de reforzar esta política demográfica, acomodándola a la nueva coyuntura y empobinada a favorecer a aquellos que más lo necesiten". Esta ayuda consistirá en 500 euros pa toos aquellos nacimientos dende'l 1 de payares de 2008 y a ella tendrán accesu les families asturianes con una renta d'hasta 45.000 euros anuales. Considérase que más de 7.000 families asturianes van beneficiase d'esta ayuda, lo que supón un coste pal presupuestu autonómicu de 3.647.000 euros.