La Diputación de Lleón aprobó por unanimidá dos mociones en refugu a la llinia d'alta tensión Sama-Velilla

La Diputación de Lleón ta acabante d'aprobar por unanimidá en sesión plenaria ordinaria dos mociones presentaes pol PP y el PSOE nes que se manifiesta'l refugu hacia la execución de la llinia d'alta tensión Sama-Velilla. La diferencia de dambes mociones reside nos destinatarios de les mesmes, dao que'l documentu, presentáu pol PP,ta dirixíu al Ministeriu de Mediu Ambiente y Mediu Rural y Marín, mientres que la moción presentada pol PSOE se remite a la Xunta de Castiella y Lleón y al Principáu.

   El voceru del PP na Diputación de Lleón, Jaime González, recordó que yá s'aprobaron por unanimidá trés mociones a la escontra de la llinia d'alta tensión Sama-Velilla, na institución provincial y destacó la importancia d'algamar el consensu na aprobación de les dos mociones sin necesidá de "afondar en matizaciones".

   Pela so parte, el voceru de la Unión del Pueblu Lleón (UPL) na Diputación, Lázaro García Bayón, opinó que yera "más fácil" sentase directamente colos presidentes de les comunidaes autónomes implicaes y l'Executivu central pa treslladar esta postura de refugu per parte de tolos partíos políticos de la provincia de Lleón.

   Sicasí, señaló que diba ser preciso aportar tol apoyu xurídicu necesariu a les llocalidaes y entidaes de la provincia dende la institución provincial. "La Diputación debía implicase un poco más", añadió.

   A lo último, el voceru del Grupu Socialista na Diputación de Lleón, Demetrio Alfonso Canedo, espresó la postura del partíu "rotundamente" contra la execución de la Sama-Velilla y propunxo refundir les dos mociones nuna sola, de manera que'l PP almitiere remitir el documentu a la Xunta de Castiella y Lleón y al Principáu d'Asturies,y el PSOE aceptare pela so parte, unviar la moción al Executivu Central.