Desbloquiáu'l conceyu del clima al incluyir per primer vez oxetivos de reducción pa países en desarrollu

|

Les negociaciones p'algamar el próximu añu un acuerdu que sustituya al Protocolu de Kioto de magar el 2012, que se desarrolla en Poznan (Polonia) nel Conceyu del Clima de la ONU (COP14), quedaron desbloquiaes güei gracies a la introducción per primer vez d'oxetivos concretos de reducción d'emisiones pa los países en desarrollu, según adelantó la secretaria d'Estáu de Cambiu Climáticu, Teresa Ribera.

Asina, el plenariu de la 14 Conferencia de les Partes de la Convención sobre Cambiu Climáticu de Naciones Uníes confirmó esta tarde l'acuerdu que va incluyir na base de la negociación pal próximu añu un oxetivu de reducción d'emisiones d'ente un 25 y 30 por cientu nel 2020 pa los países industrializaos, asina como una reducción nel aumentu d'emisiones previstu pa los países en desarrollu ente un 15 y un 30 por cientu.

Esta última inclusión permitió que los países que bloquiaben la negociación (Canadá, Xapón, Australia y Nueva Zelanda) diben cambiar de posición al rellacionase per primer vez les reducciones d'emisiones nos países ricos al esfuerzu que tamién deben asumir los países en desarrollu. El plenariu tamién aprobó esta tarde'l mandatu p'articular el procesu negociador que va acabar dientro d'un añu nel conceyu de Cophenague.

Contador Estadistiques