COSAL convoca una concentración contra'l golpe militar n'Honduras

|

El Cómite de Solidaridá con América Latina (COSAL) d'Asturies convoca uan concentración pa refugar "el criminal golpe d`estáu n`Honduras, fechu`l domingu 28 de xunu polos militares goriles hondureños y sofitáu pol Congresu, la oligarquía y los medios de comunicación" d`esi país contra`l Presidente Manuel Zelaya. La concentración va ser esti martes 30 a les 19:30, frente al Teatru Campoamor d´Uviéu.

Según COSAL con esti golpe  "inténtase asina finar un ciclu de modestes tresformaciones a favor de los sectores populares que venía faciendo Zelaya dende la Presidencia hondureña. La negativa al Referéndum ye la escusa de los poderosos pa caltener a Honduras en manes d`unos pocos, ensin tener en cuenta`l votu popular".

Contador Estadistiques