El presidente golpista d'Hondures impón el toque de queda

El presidente interín del país, Roberto Micheletti, impunxo un toque de queda nacional les nueches del domingu y del llunes que l'Exércitu detuviere al presidente electu, Manuel Zelaya, y lu treslladare a Costa Rica.
   El toque de queda va tar vixente dende les 21.00 hores de la nueche hasta les 6.00 hores de la mañana demientres les dos nueches, según esplicó Micheletti nuna rueda prensa. De la mesma manera, informó de que la midida podía llegar a estendese.
   Pela so parte, siguidores del secuestráu presidente hondureñu, Manuel Zaelaya, llevantaron barricaes nel centru de Tegucigalpa y cortaron l'accesu al palaciu presidencial.
   Munchos de los manifestantes diben enmazcaraos y llevaben palos, mientres custodiaben les barricaes llevantaes con neumáticos, chatarra y quioscos.