Educación va convocar una ufierta pública d'emplegu pa cubrir les vacantes de la plantiya

La Conseyería d'Educación del Principáu va convocar una ufierta pública d'emplegu pa cubrir les vacantes de la plantiya orgánica y "dar estabilidá al emplegu", según confirmaron a Europa Press fontes del Principáu.
   Asina lo esplicó'l responsable d'Educación, José Luis Iglesias Riopedre, al sindicatu Suatea tres caltener un conceyu ayeri na sede de la Conseyería. Nesti sen, el sindicatu exixó "tresparencia" na mesa y una convocatoria acorde col sistema transitoriu en vixencia hasta'l 2011.
   "Nel casu de que l'Alministración asturiana nun convoque o convoque de nuevo escases ufiertes, se trataría d'un fraude a la llexislación estatal, que previó convocatories de places de profesoráu nes que se tienen en cuenta los servicios prestaos", esplicó Suatea nuna nota de prensa.
   Suatea mostró al Conseyeru la so "gran preocupación" pol retrasu de la convoctoria del Concursu de Tresllaos, nel que van participar sobre 2.500 profesores asturianos y asturianes de tolos niveles non universitarios. De la mesma manera, Suatea alertó de la posibilidá de que nun se cumplan los plazos marcaos pol Ministeriu d'Educación en Madrid y poro plantegó que s'unviare a los centros una carta "animando al profesoráu participante a acelerar los trámites de solicitú de documentación, puesto que les feches previstes coinciden con munchos díes festivos y coles vacaciones d'iviernu".
   Per otra parte, Suatea esixó la negociación de les plantiyes orgániques de los centros en mesa sectorial, tal y como se comprometiere nel Parlamentu Asturianu. "Llamentablemente, el conseyeru se negó a establecer esa negociación, alegando que son los sindicatos presntes na Mesa xeneral los que se nieguen a que seya convocada la Mesa Sectorial d'Educación", señalo la central.
   Respecto a la cuestión salarial, Suatea exixó'l pagu a tol profesoráu asturianu de les cantidaes que güei cobra una parte en conceutu de productividá.