La conmemoración del 25 de mayu axunta dellos actos na xeografía del país

|

UNA, Andecha Astur y Fai conmemoren esti 25 de mayu con una serie d'actos que quieren facer alcordanza de los 201 años d'aquel día de 1808 nel que la Xunta Xeneral del Principáu, máximu órganu d'autogobiernu del país, proclamóse soberana rebelándose contra les tropes napoleóniques invasores, organizando un exércitu asturianu baxo la divisa "Asturias nunca vencida" y unviando embaxadores al Reinu Uníu pa solicitar l'ayuda británica frente a los franceses.

Andecha y Fai faen los sos actos esti sábadu 23 de mayu

El "XII Día d'Andecha" cellébrase esti añu nel Conceyu de Ribeseya. Según informen los organizadores "pela mañana, a les 12:00 hores, saldrá de Ribeseya'l descensu vindicativu de ríu Seya qu'ocupara les hores centrales del día. Yá pela tarde en Ribeseya, na zona de L'Atalaya, van desendolcase delles actividaes. Una partida bolos y un taller de cuatreada a les 18:00 hores. A les 20:00 hores entama un pasucais con gaiteros que percorrerá les principales cais". Una hora más tarde, a les 21:00 hores, entama "l'actu central del Día d'Andecha, el mitín y la espicha con música del país. Nel actu políticu van intervenir Mario Arbesú, candidatu d'Andecha Astur a les elleiciones europées, Iván Martínez, voceru d'Andecha Astur en Ribeseya y Marcos Ménendez, voceru de la organiación xuvenil Darréu". El pieslle d'esti Día d'Andecha va ponelu un conciertu qu'axuntará folk, rock y punk colos grupos "Pa musquis", "Taranus", "Trueba" y "Agua Cero".

La organización Fai! tamién entama esti 23 de mayu una "xornada reivindicativa y folixera", nesti casu nel CSOA La ReFLEXón de Xixón baxó'l nome de primer "Folixa Nacional Asturies enxamás vencida”. Va haber un recital poéticu qu'entamará a les 17.30 col títulu "Poetes agresivos disparen les sos obres contra los que se duermen" y que va cuntar cola presencia de cuatro poetes de les lletres asturianes que van presentar parte de les sos obres: Xandru Fernández, Sergio Gutiérrez Camblor, Xabel Vegas y Carlos Suari.La lliteratura dexará pasu a un mural conmemorativu de la "Revolución de 1808", pa finar la xornada con un conciertu que va entamar a les 19.30 hores col preciu de 5 euros y que va contar cola presencia de "Gomeru", "K-Nalón", "Arma X", "13 palabras" y "Vinagre de Sidra".

UNA va tar n'Uviéu'l 25 de mayu

Pela so parte Unidá Nacionalista Asturiana va facer el so actu'l propiu 25 de mayu n'Uviéu, na Sala Capitular (Corrada del Obispu) a les 20:00 hores. Ellí va facese una ofrenda de lloréu "a los revolucionarios de 1808 con motivu del aniversariu de la declaración de Soberanía d'Asturies". Nel actu van intervenir Daniel Fernández, candidatu d'UNA a les elecciones europees y Faustino Zapico, portavoz d'UNA.

Comentarios

Tres actos en tres sitios distintos. ¡Por favor!

AA siempres lu bien faciendo ca añu nuna llocalidá distinta; ta bien que se-y sumen otres opciones FAI y UNA, pero lo meyor sedría un actu conxuntu.

Como ye eso de que "se-y sumen"? Agora va resultar que celebrar el 25 de mayu ye una ocurrencia d'Andecha. Vamos ver, que yo recuerde dende tiempos yá de la transición delles asociaciones y partíos celebraron'l 25 de mayu.

Iyán nótase que ye mui mozu. L'otru día tamién dicía qu'Andecha llevaba dende siempre más o menos. Ye esa fuerza de la mocedá cuando cree en daqué. O cuando-y cuenten daqué.

Los mios tiros nun diben nesi sen, evidentemente....

Iyán fíu tenien que unise, tienes razón.

Yá hubo una xuntanza y mira lo que pasó. La característica "de marca" del nacionalismu asturianu ye la so gran fragmentación.

Gabis

Refiéreste a la UNA de los años 90 con Sánchez Vicente?. Si ye asina, recuérdote que agora Sánchez Vicente nun ta nesta nueva UNA. Anque, ciertamente el miéu a que pase lo mesmu -( d'aquella fo un istrumentu del PAS, d'esta quien nos diz que nun seya de IAS)-, fai que munchos tean esceúticos ante la nueva UNA del 2000 (los de AA).

Iyán, fíu: Xuan Xosé nunca tuvo na "nueva UNA" nin na vieya, has informate un poquiñín más..."agora Sánchez Vicente nun ta nesta UNA", jajajaja..."nueva UNA del 2000", Iyán, por favor, que tamos nel 2009. Mira ver quien taba na "antigua UNA" y onde tán agora, nun taba XX, sinon xente "más a la izquierda d'él"...y esos, eses persones representatives...¿ú tan agora?. Que seas mozu tamién te da derechu a conocer la verdá, les hemeroteques tan ahí pa veles

Gabis

Haber les verdaes duelen y paez que lleven algunos a falar al sabor de la boca, y dempués pancima manden a les hemeroteques a los demás. Pa empezar, ¿quien dixo que Sanchez Vicente te nesta UNA del 2000 ?. Por ciertu si digo del 2000 nun me refiero evidentemente al añu la fundación sinón a la época (dómina del 2000). Agora resulta que Sánchez Vicente nunca tuvo col PAS na UNA del 1991 y nunca polo tanto algamó un escañu, y nunca coló con el pal PAS desfaciendo la UNA. Sé perfechamente onde tan munchos curiosamente nel PP ( "Felechosa o Yepes por exemplu). Insisto si los de AA que refugaron la xuntanza ye porque taben escarmentaos de la UNA (XNA-PAS) y temen que cola UNA (IAS-independientes- Andecha Nacionaliega)pase lo mesmu. Sólo que cambiando Sánchez Vicente y el PAS, por la IAS.
 

La UNA antigua nun yera XNA y PAS, enxamás lo fue!!!. La UNA yera la xuntura de XNA y ENA y Xuan Xosé enxamás tuvo "na" UNA, sinon que tuvo "cola" UNA en Coalición Asturiana. El PAS TUVO NA "CA" (COALICIÓN ASTURIANA), NON NA"UNA". Ye fácil tracamundiase con esta sopa lletres y si pido que la xente se documente ye pa qu'opine, non pa que se pique. "Haber si les verdaes duelen"(sic), nun me manca nada, fíu, pero polo menos nun vivas nel error de pensar que XX tuvo na UNA y que la UNA yera la XNA y PAS, porque nun ye asina. Has preguntailo a la xente d'esta casa que de xuro que van saber respondete meyor que yo. Lo que se desfizo primero foi CA (Coalición Asturiana), depués desfízose UNA, pero non por intervención directa de XX sinon por, ente otres coses, un xaréu interu pa la fundación de LA (Lliga Asturiana) que sacó paezme unos 1.500 votos nunes elecciones y foi ún de los mayores "blufs" de la hestoria del asturianismu-nacionalismu-rexonalismu.

Gabis

Haber hai xente que me mal interpreta a posta, o entiendeme mal, o m'esplico mal, que too pue ser. Dixe que AA lo cellebra dende que esiste col nome de AA; Nun dixe que la cellebración fore una invención d'ellos nun se d'onde sacáis eso; ye una comemoración que fain del aniversario de proclamación de soberanía en 1808 de la Xunta Xeneral del Principáu.
Xuntanza sí; fadiar non.

Vamos ver ho... toi lleendo una serie de comentarios dende hai tiempu y quedando ablucáu... tamos pidiendo unidá y nun nos damos cuenta que yá hai un partíu unitariu del nacionalismu asturianu, que nun tien otru nome qu'Unidá Nacionalista Asturiana. ¿ o vais dicime que non?, porque nun hai falta más que mirar la hemeroteca:
http://www.asturiasverde.com/2007/abril/00621elecciones.htm
Hasta'l mesmu "iyán" reconocía esto nel so comentariu, pa dempués dicir que la xente d'AA que nun s'axuntó entovía a UNA ye porque tán "escépticos"...
Pues precisamente, escepticismu. Dende'l mio puntu de vista, y centrándome más nos votantes que nos partíos, n'Asturies nun faen falta más partíos, fai falta que confiemos nos que yá hai. Si UNA entama a sacar la cabecina (como yá lo ta faciendo per otra parte, namás hai que ver la so llista electoral) yá nun tendríemos tantes duldes. Yo, polo menos, téngolo claro.

Evidentemente referíame a que na UNA cola que se algamó un escaño nel 1991 acabó mal, y que quiciabes per eso los de AA nun quieren entrar ,de momentu, nesta refundación de la UNA que nun tien na que ver en principiu -(llueu ya veremos)-, cola de los 90.

Alégrame conocer xente que piensa en positivo, anque nun soi a compartir esi puntu de vista tan optimista de la situación actual

Gabis

Contador Estadistiques