Mediu Ambiente evalúa favorablemente la variante a 400Kv de la llinia eléctrica Soto Ribera-Penagos

El Ministeriu de Mediu Ambiente y Mediu Rural evaluó favorablemente'l proyeutu de Variante de la llinia eléctrica a 400 KV Sotu Ribera-Penagos, nel conceyu de Piloña (Asturies), siempre y cuando s'autorice na alternativa elixida y nes condiciones señalaes na Declaración d'Impautu Ambiental (DIA), deducíes del procesu d'evaluación.

   L'oxetu del proyeutu ye la construcción d'un trazáu alternativu de la llinia eléctrica a 400 Kv Soto Ribera-Penagos, al so pasu pel términu municipal de Piloña. Con ello, según la versión del Ministeriu, van solucionase les necesidaes d'evaluación d'enerxía escedente n'Asturies, cumpliendo criterios de seguridá, y dando solución a lo socilitao pol Ayuntamientu de dichu conceyu: reducción de los efeutos de la llinia Soto-Penagos, sobre'l so entornu y, en particular, incrementado la distancia a los núcleos de población existentes.

   De les variantes analizaes se seleccionó "alternativa C", porque evita atravesar l'espaciu natural protexíu Reserva Natural Parcial de la Cueva del Sidrón, y incorpora nel so diseñu la reducción compacta cola llinia eléctrica Siero-Puente San Miguel II.

   El consecuente esmantelamientu y posterior recuperación ambiental d'esos tramos compautaos, fai que l'impautu negativu sobre otros elementos del mediu se rebaxe, y hasta se reduzan dalgunes de les afeiciones que la llinia ocasionaba, por exemplu, al permitir recuperar unos 1.000 metros de mases forestales que primero taben atravesaos por dicha llnia.

   La DIA aprobada establez como midíes preventives xenerales del proyeutu la propia elección del trazáu, la selección del tipu d'apoyu (5 metros más altu de lo habitual), l'usu de pates asimétriques y que'l promotor asuma que les condiciones emitíes por organismu públicu y priváu seyan d'obligáu cumplimientu.

   De la mesma manera, el contratista dete acatar les midíes nos Pliegos de Prescriciones Técniques del Estudiu d'Impautu Ambiental (EIA) del proyeutu de carácter técnicu, d'orde de llimpieza y llende d'usu de suelu, asina como les midíes preventives y correctores conteníes nel estudiu y les que s'inclúin na DIA.

   Ente otres condiciones, la resolución señala que va evitase la instalación d'apoyos y va amenorgase'l trazáu d'accesos dientro del Dominiu Públicu Hidráulicu, les sos zones de serviciui, tal como indicó la Confederación Hidrógráfica del Norte. Van inutilizase o torgase caminos y pistes que puean conducir a zones d'interés ecolóxicu y paisaxísticu d'acordies col órganu ambiental competente.