Andecha Astur celebra'l so Día en Ribeseya

|

Esti próximu sábadu 23 de mayu la organización nacionalista Andecha Astur va celebrar otra vuelta'l "Día d'Andecha", que nesti añu llega a la so XII edición. El llugar escoyíu va ser Ribeseya y van entamase una serie d'actividaes como un "Descensu vindicativu del ríu Seya", partida de bolos y taller de cuatreada, pasucais de gaiteros, espicha con música del país, amás d'un mitín y un conciertu.

El "XII Día d'Andecha" cellébrase esti añu nel Conceyu de Ribeseya. Dende AA señalen qu'ensin "perder de vista que ye'l día de la organización y la nuesa conmemoración d'un fechu históricu de tanta relevancia como la declaración de soberanía de 1808, la campaña de les elleiciones europées marcará tamién l'actu".

Según informen los organizadores "pela mañana, a les 12:00 hores, saldrá de Ribeseya'l descensu vindicativu de ríu Seya qu'ocupara les hores centrales del día. Yá pela tarde en Ribeseya, na zona de L'Atalaya, van desendolcase delles actividaes. Una partida bolos y un taller de cuatreada a les 18:00
hores. A les 20:00 hores entama un pasucais con gaiteros que percorrerá les principales cais". Una hora más tarde, a les 21:00 hores, entama "l'actu central del Día d'Andecha, el mitín y la espicha con música del país. Nel actu políticu van intervenir Mario Arbesú, candidatu d'Andecha Astur a les elleiciones europées, Iván Martínez, voceru d'Andecha Astur en Ribeseya y Marcos Ménendez, voceru de la organiación xuvenil Darréu".

El pieslle d'esti Día d'Andecha va ponelu un conciertu qu'axuntará folk, rock y punk colos grupos "Pa musquis", "Taranus", "Trueba" y "Agua Cero".

Comentarios

AA los únicos que cellebren el díi 25 de mayu como reinvindicativu del auténticu díi d'Asturies, énte la españolización del 8 de setiembre.
Eso nun se pue ñegar.

El 23 de Mayu nun ye'l 25 de Mayu. Meres nun ye Mieres. El tocín nun ye la velocidá. Y la Xunta Xeneral aconceyábase na Sala Capitular de la Catedral d'Uviéu. Ellí durante años Conceyu Bable celebró una ofrenda n'alcordanza de los fechos d'aquellos tiempos invitando a participar a tolos asturianos con independencia de la so afiliación política. Esto son coses totalmente respetables de partíos que tienen tol mio respetu. Pero tamos falando d'otra cosa.

Si lo faen el 23 esti añu, ye porque el 25 nun coincide de fin de selmana, porque otros años que coincide el díi 25 de fin de selmana ( sábadu o domingu) siempres lu fain; lo de conceyu bable ya lo sabía, y si AA nun lo cellebra na Sala capitular de Uviéu ye por ñegativa d'ellos mesmos al torgá-yoslo la autoridá la primer vegada que lo intentaron, cuando quixeron facer una ofrenda floral. Dende entós fainlo rotatoriu per toa Asturies ca añu nun sitiu distintu.Ah y por ciertu nun tienes porque tar afiliáu pa dir, pue dir cualquier asturianu con independencia de la so filiación siempres y cuandu nun seya con ánimu de provocar, claro; digótelo por esperiencia: yo fui sin tar afiliáu y nunca me entrugaron un res, nin se metieron comigo.
Asina que haber cual ye el atocináu. Nunca prexuzgues.

Doi acuse de recibu de la to contestación Iyán. Nun contesto a los qu'utilicen l'insultu empara del arugumentu.
 

Contador Estadistiques