El Gobiernu asturianu destina un total de 800.500 euros a sovenciones pa la normalización de la llingua

|

El Gobiernu asturianu convocó güei les sovenciones p'aiciones de normalización de la llingua asturiana, que sumarán un total de 800.500 euros, dividíes en siete llinies diferentes d'ayudes a esti tipu de trabayos.
   El Boletín del Principáu d'Asturies (BOPA) publicaba güei, nel apartáu de la Conseyería de Cultura, esta convocatoria, na que'l apartáu son les ayudes pa medios de comunicación, que van sumar un total de 500.000 euros, y dientro de la que va concedese un máximu de 51.000 euros por proyeutu.
   En segundu llugar tán les ayudes a empreses privaes que desarrollen aiciones de normalización, pa les que se reserva un total de 90.000 euros. Otros 85.000 dirán p'actividaes d'asociaciones y otres entidaes sin ánimu de llucru. Otres llinies de sovención son los estudios sobre l'asturianu o'l gallegu asturianu (25.000 euros), fomentu a la creación lliteraria (16.000), actividaes cinematográfiques y de videu (29.500) y promoción de la música n'asturianu (55.000).
   El plazu pa la presentación de les solicitudes acaba en 30 díes naturales, de magar la publicación del anunciu.

Contador Estadistiques