Héctor Guerra gana la contrarreló de Piedras Blancas mientres que Machado sigue líder

|

La Vuelta Ciclista a Asturies disputó ayeri la so tercer etapa xebrada en dos sectores. Nel primer sector, ente Xixón y Avilés, impúsose al sprint l'eslovenu Grega Bole (Amica Chips). Mientres na contrarreló de la tarde diba ser Héctor Guerra (Liberty) el qu'algamare'l trunfu. L'asturianu Samuel Sánchez (Euskaltel) quedó segundu y el líder, Tiago Machado (MAdeinox-Boavista) conservó'l maillot amariellu al llegar sólo a 12 segundos.

Héctor Guerra impúsose na contrarreló de Piedras Blancas, mientres que Samuel Sánchez quedó segundu a 7 segundos del madrileñu. Sicasí, la sorpresa vieno per parte del líder, el portugés Tiago Machado (Madeinox-Boavista), que llegó a solo 12 segundos de la marca de Guerra, amosando la so bona forma física y que ye un seriu candidatu al trunfu si ye quién a conservar el lideratu na etapa reina de güei, ente Cafes Toscaf (Pravia) y l'Altu del Acebu, de 180 kilómetros.

Contador Estadistiques