José Ángel Hevia va ser nombráu "académicu d'honor" el Día de les Lletres Asturianes

|

El perconocíu gaiteru maliayu José Ángel Hevia va ser nuevu académicu d'honor de l'Academia de la Llingua Asturiana. El nombramientu va tener llugar nel tradicional actu institucional que l'ALLA entama tolos años nel Teatru Campoamor d'Uviéu con motivu del Día de les Lletres Asturianes, qu'esti añu va ser l'ochu de mayu.

Esti XXX Día de les Lletres Asturianes va tener nel músicu José Ángel Hevia ún de los sos protagonistes por cuenta que va ser nombráu académicu d'honor. L'actu académicu, que va entamar a les 20:30 hores va abrise cola actuación del gaiteru Yago Bugallo. Darréu d'ello va desendolcase la Xunta Estraordinaria que va nombrar al músicu asturianu como académicu, tres lo cual va tener llugar el tradicional discursu institucional de la Presidenta de l'ALLA, Ana Cano. L'actu va zarrase con una esbilla de poemes y l'actuación de "Xuacu Amieva Folk". De seguío va celebrase una espicha nel restaurante La Gruta de la capital asturiana.

Comentarios

 
Esta noticia prestame enforma ,
Tienlo bien merecio , pola so trayectoria constante ya impecable na defensa del nuesu idioma y de la nuesa cultura.En tolos foros seya el que seya onde s'alcuentre siempre defende l'asturianu con dignidad y al altu la lleva .
Por to ello   "Hevia gaiteru"

Contador Estadistiques