David Villa diz que-y presta que 'Guaḥe' lu identifique con Asturies

|

El delanteru de la seleición española, l'asturianu David Villa (Tiuya, 1981), dixo que-y presta que  lu llamen 'Guaḥe' y que'l nomatu valga pa que lu identifiquen cola so tierra pel mundu.

"Ye un honor y un arguyu representar al Principáu. Toos sabéis el grau d'asturianía que yo siento", sorrayó'l futbolista.
  
Nun actu-homenaxe celebráu na sede de la Presidencia d'Asturies, el delanteru estimó "a toa Asturies" el ciñu que brindó a la Seleición, y "n'especial a min y -al tamién asturianu- Juan Mata".
  
En declaraciones a los periodistes, acompañáu pol so padre José Manuel Villa, recordó que "el fútbol ye un deporte colectivu", polo que quiso compartir la Cruz de la Victoria y l'insinia otorgaes pol Gobiernu asturianu colos sos compañeros d'equipu.
  
Pela so parte, el presidente del Gobiernu autonómicu, Vicente Álvarez Areces, destacó "la so trayectoria exemplar" y dixo que "ye un arguyu tenelu na Selección". Al so xuiciu, el llangreanu simboliza los valores de los que fizo gala'l combináu nacional y que "toos compartimos".
  
"Ye l'exemplu más emblemáticu de lo que ye la cantera de Mareo", dixo'l presidente n'alusión al so pasu pol Real Sporting. Coles mesmes, Álvarez Areces recordó la so trayectoria nel Real Zaragoza y nel Valencia C.F., antes de fichar pol F.C. Barcelona, onde va debutar esta temporada.
  
Tres recibilu miembros del Gobiernu asturianu, al 'Guaje' van homenaxalu esti martes nel Conceyu de Llangréu.

Comentarios

Esi si que ye asturianu!!!Onde ta faise ver ,hasta nos güeyos pode leese el so amor por Asturies!!Toos lu viemos con la bandera d'Asturies!!!
Asina tenin que facer munchós que presumen de selo,poro solu presumen ..Facer por ella??Soltar babayaes..
Asina se fai Villa ,llevar to tierra por bandera..Gracies !!!

 
 
 Haber si deprendi'l "fartón" que tien al llau, y fae lo mesmu que'l guah.e ......

Contador Estadistiques