Los trabayadores de Chupa Chups busquen sofitos en Ribeseya

Miembros del comité d'empresa y trabayadores de Chupa Chups busquen esti miércoles en Ribeseya'l sofitu contra'l pieslle de la planta de Villamayor, Piloña, previstu pa setiembre.

Como fixeron yá n'otros puntos d'Asturies, los trabayadores dan octavielles y recueyen robles. Amás tienen tamién camentao un alcuentru col alcalde del conceyu. Pela tarde va ser la Selmana Negra'l llugar escoyíu pa ver el conflictu con actuaciones asemeyaes.

Mañana a partir de les 12.00 va haber una nueva xunta cola Direición de la Empresa depués de qu'ayeri s'afitará una vegada más el choque de posiciones al aneciar la compañía con zarrar como única salida y la parte sindical esixendo otra alternativa.
  
Los trabayadores siguen camentando que "el zarru de Villamayor nun garantiza'l futuru de la división Chupa Chups n'España yá que, colos mesmos argumentos, pue plantegase zarrar la de Barcelona cuando-yos pruya".