Javier Fernández evita confirmar si va ser el candidatu

El secretariu xeneral de la FSA, Javier Fernández, amosó tol respetu" de la organización a la decisión d'Areces, qu'anunció ayeri que refuga volver presentase como candidatu socialista.

Asina, en declaraciones a los medios de comunicación a lo cabero del plenu de la Xunta Xeneral, Fernández paróse pa treslladar al presidente asturianu "un sofitu total hasta'l momentu en que remate la llexislatura".

Sicasí, nun quixo confirmar la so posible candidatura a encabezar la llista del PSOE a les elecciones autonómiques de 2011, y solo a dixo que se trata d'un partíu "seriu" qu'espera al momentu "oportunu" pa falar d'eses coses. "El día 17 hai una xunta del Comité Federal, a partir d'ende ábrese'l procesu y dempués, nel momentu, yá vamos falar sobre esto", dixo.
  
Y ye que pal diputáu autonómicu y senador pol PSOE, anguaño vívese "una situación dificil dende'l puntu de vista económicu y agora hai que camentar en gobernar". "Inda nun tamos n'elecciones", sorrayó destacando "el sofitu total de la FSA al Gobiernu y al presidente".