El Bloque critica la construcción del parking de La Escandalera

El Bloque por Asturies oponse a la construcción “illegal” del parking soterrañu de La Escandalera, “que va afeutar al Parque San Francisco y a los comercios de la zona”.

Poro, la organización nacionalista sofita la manifestación convocada pa güei a les 20 hores, pol movimientu ‘Vecinos d'Uviéu’, baxu les pancartes 'Salvemos el corazón d'Uviéu' y 'Paremos l'espoliu'.

Nesti sentíu, Bloque por Asturies afala a toos los vecinos y plataformas d'Uviéu a unir fuerces pa frenar l'espoliu y destrucción del centru de la ciudá, que según la organización pretende llevar a cabu l'alcalde Gabino de Lorenzo.

“La llicitación de la peatonalización que va costar a los uvieinos ente cuatro y cinco millones d'euros más, en dómines amás onde les prioridaes son otres”, señalen.