Entama a aplicase la nueva Llei del Albuertu

Güei ye’l primer día d’aplicación de la nueva Llei del Albuertu, tantu na rede pública como nos cuatro clíniques concertaes pa la realización d'Interrupciones Voluntaries del Embaranzu (IVE).

La Llei 2/2010 de 3 de marzu obliga a los poderes públicos a facilitar l'accesu a la IVE disponiendo de tarxeta sanitaria, la IVE va ser gratuita ensin otru requisitu que presentar dicha tarxeta nel centru.

La Conseyería de Salú y Servicios Sanitarios punxo a disposición, tantu de les clíniques concertaes como de los centros del SESPA, tola documentación qu'establez la nueva llei y que ye precisu apurrir a les muyeres que quieran sometese a una IVE.

El Boletín Oficial del Principáu d'Asturies (BOPA) publicó'l pasáu día 3 de xunetu'l resolvimientu pola que se designa'l Comité Clínicu que señala la llexislación y el SESPA yá tien readaptaos los sos circuitos a les necesidaes qu'esixe la nueva llei pa poder asegurar la prestación.

Les muyeres van poder alcontar información y asesoramientu sobre IVE nos Centros d'Orientación Familiar d'Asturies (COF), nos Centros de Salú, nos Centros d'Atención al Usuariu ya Información Sanitaria de los hospitales públicos, nel Institutu Asturianu de la Muyer y na páxina web de la Conseyería de Salú y del SESPA www.astursalud.es.