La Col.lá Propinde pon la música na serie de televisión “Doctor Mateo”

El grupu asturianu de música La Col.lá Propinde va tar presente nuna serie nueva de televisión titulada “Doctor Mateo” gracies a un alcuerdu ente’l grupu  y los creadores de la serie, Antena 3 TV y Notro Films.
 
Ello ye que dellos cantares de los músicos asturianos van incluyíse na banda sonora d’algunos capítulos de "Doctor Mateo", una serie ambientada n’Asturies. Esta nueva producción rodada en Llastres va estrenase en poques selmanes n’Antena 3 y ye una adaptación de la popular producción británica “Doc Martin”.

La serie, producida para Antena 3 por Notro Televisión, ta protagonizada por Gonzalo de Castro y Natalia Verbeke y contará les aventures y desventures d’un ciruxanu que dexa atrás la so vida en Nueva York, en plenu éxitu profesional, pa reconvertise nel médicu de “San Martín del Sella”, pueblu ficticiu nel que pasaba les sos vacaciones de neñu.

El repartu complétenlu Daniel Freire, Esperanza Pedreño, Rosario Pardo, María Esteve y Álex O'Dogherty, ente otros. “Doc Martin” ye una serie inglesa estrenada en 2004 na cadena ITV y grabada en Port Isaac, suroeste d’Inglaterra, de la qu’emitiéronse tres temporaes. La serie algamó’l premiu British Comedy Award