Habeas Corpus y Escuela de Odio abren esta nueche'l Derrame Rock

|

El 15 festival Derrame Rock entama colos conciertos de los grupos del concursu de maquetes y de l'actuación d'Escuela de Odio y Habeas Corpus, acabantes de publicar un vinilu común.

Esta tarde, la mítica banda heavy recibió'l premiu Bosque del Derrame pol so 30 aniversariu sobre los escenarios y participó na plantación de 200 árboles na población de Recuevo, actu simbólicu entamáu pol festival n'apoyu del desarrollu sostenible.
  
El platu fuerte va venir mañana, vienres 25, cola actuación precisamente de la mítica banda heavy. Enre les 22.25 y les 4.30 van actuar por esti orde: Reincidentes (clásicos de la cita praviana), Obús, Barón Rojo, Ilegales y Siniestro Total. Va zarrar la nueche Bon Scott Band y antes van actuar otros grupos como Envidia Kotxina, Benito Kamelas o Motociclón. Nesta xornada va haber espaciu pa formaciones asturianes como Skama la Rede, Desakato y Pablo Valdés.
 
El sábadu va tocar otru de los grupos estrella, Soziedad Alkoholika (23.10), una hora depués del entamu de Berri Txarrak. Rosendo, convidáu vitaliciu del festival pravianu va siguir a los vitorianos, pa dexar pasu a Los Suaves, O'Funkillo y Narco.
 
El punk va tar representáu nesta última xornada por El Último Ke Zierre y Lendakaris Muertos. Antes d'ellos van tocar los asturianos Dixebra. Destaca tamién nesta xornada l'aportación internacional de The Toasters.

Contador Estadistiques