Ex parllamentarios del PP piden a Rajoy que nome a Cascos candidatu

Ex diputaos en Madrid y ex senadores del PP d'Asturies decidieron unviar una carta a Rajoy, na que-y esponen el so deséu de que se nome a Cascos candidatu a la Presidencia.

Según confirmaron a Europa Press firmantes de la misiva, plantegen el pidimientu a Rajoy "conscientes de la grave situación que traviesa España y Asturies". Declárense conocedores del "amor" d'Álvarez-Cascos haza la rexón asturiana, según el "inmensu trabayu" que realizó polos asturianos.

"Entendemos que la so obra ta a la vista de toos y que'l so gran llabor na meyora d'Asturies requier a día de güei una continuidá", señalen los ex diputaos y ex senadores asturianos.
  
Ente los firmantes atópense conocíos nomes como los d'Alicia Castro Masaveu, Juan Luis de la Vallina, Antonio Landeta o Ididro Martínez Oblanca.