Xera presenta la so propuesta llétrico-folk en Lisboa

|

Xera va actuar esti sábadu en Lisboa, nel marcu del V Festival de la Mázcara Ibérica, siendo la primer vegada qu'un grupu asturianu toque nel Palcu Ibéricu, l’escenariu principal.

El festival, que se celebra ente los díes 20 y 23 d’esti mes, ta consideráu'l pasucais temáticu más importante d'Europa, axuntando cada añu a miles de persones nes cais de la capital portuguesa.

Va ser la primer vegada que'l grupu presente la so propuesta en Portugal, a onde llega como revelación anguaño del panorama folk n'Asturies con tres premios baxu’l brazu: el Premiu de la Crítica RPA 2009 al meyor discu folk, l'AMAS 2010, tamién a meyor discu folk, y el Premiu al Meyor Cantar, que los llevará en payares a representar a Asturies nel Liet International, que se va celebrar n’Inverness (Escocia).
.

Contador Estadistiques