La Coḷḷá Propinde toca en Xixón

Esti viernes, de magar les 19h, La Coḷḷá Propinde tará tocando en Xixón na xornada de pieslle de les XV Xornaes de Llingua y Cultura, nel salón d'actos del Ateneu de la Calzada.

La Coḷḷá Propinde, presentará así per primera vegada en Xixón, los temes del so tercer trabayu discográficu, "A Teyavana", publicau esti mesmu añu col sellu Algamar Producciones.

El grupu llamenta que la fecha coincida col horariu de la manifestación del día de les lletres convocada pola Xunta pola Defensa de la Llingua n'Uvieu. Sicasí, el grupu quier aprovechar esti pa reivindicar la oficialidá como únicu camín pa la preservación cultural de la llingua asturiana y pa algamar un estatus d'igualdá pa tola xente que quier usar l'asturianu como llingua propia d'espresion.