Música Antigua Xixón 2022: 'Yo soy la locura', de Claroscvro Teatro

9 Xunetu, 2022
Música Antigua Xixón 2022: 'Yo soy la locura', de Claroscvro Teatro

Espectáculu musical de zarzuela barroca: La Llocura, un ser mitolóxicu que mueve les pasiones de los humanos, apaez n'escena pa contanos la historia d'amor –sobre un fondu bélicu– ente Manuel, titiriteru español qu'acompañó a Hernán Cortés na Conquista d'América, y Zyanya, una moza muyer azteca. La so rellación ye imposible y Manuel habrá d'escapar de México pa salvar la so vida y regresar a Europa pa realcontrase cola so muyer, Belisa, y el fíu de dambos. La xoven Zyanya, llocamente namorada de Manuel, pidirá a los dioses aztecas que la tresformen en marioneta pa permanecer por siempre al llau del so amor.

Direutora d'escena, marionetista, actriz, guionista y constructora d'oxetos: Julie Vachon.

Productor, marionetista, coguionista, diseñu y programación d'illuminación y soníu, y dramaturxa musical: Francisco de Paula Sánchez.

Músicos: María José Pire (sopranu y actriz), Enrique Pastor (guitarra barroca), Aurora Martínez Piqué (direición musical y viola da gamba baxa) y Pablo Cantalapiedra (percusión grabada).
Hora: 19.30 y 21.30h

Sitiu: 
Teatru Xovellanos
Localidá: 
Xixón
Tipu d'eventu: 
Música
Contador Estadistiques