'Érase una vez y otras historias corrientes', de Concha Prada

14 Xunetu, 2022
hasta el: 
16 Ochobre, 2022
'Érase una vez y otras historias corrientes', de Concha Prada

Les semeyes de Concha Prada signifiquen una vuelta de tuerca a una tradición oral que foi duplicándose n'una, otra, tradición visual, onde toos conocemos los personaxes que nunca esistieron, personaxes que nos resulten tan familiares y conocíos que cuesta trabayu reconocer que nun esisten. Sobre manera cuando los ves, anque tal vez ésta vegada resulten un poco más estraños, más reales, menos inocentes. Porque, amás de los cuentos, esisten munches otres histories corrientes qu'acontecen nestes imáxenes.

Concha Prada fotografía'l so entornu, aquelles histories, eses coses, oxetos que conformen l'entornu de toos nosotros, pero los captura tresformándolos. Asina, los cuentos infantiles son, al traviés de la so mirada, otra cosa, más paecíos a velees: la boca conviértese na exa del mundu; la comida ye una abstracción de colores, el vacíu cuánticu o les raspiadures de tenedores; los rastros d'una fregona son abstracciones pictóriques.

Tolo normal resulta tan estrañu, lo cotidiano paeznos desconocío y extrañu, los utensilios domésticos tresfórmense en ferramientes con dobles sentíos. Concha Prada abre coles sos fotografíes una resquiebra nel mundu que conocemos y, al traviés d'esa fendedura, podemos observar les coses d'otres munches maneres.

Hora: De 9 a 00h

Preciu: accesu llibre

Sitiu: 
Plaza del Centru Cultural Internacional Oscar Niemeyer
Localidá: 
Avilés
Tipu d'eventu: 
Esposiciones
Contador Estadistiques