'Burradas top secret', de Cristina Menéndez

3 Avientu, 2021
hasta el: 
14 Xineru, 2022
'Burradas top secret', de Cristina Menéndez

La idea d'esti proyeutu materializáronse al traviés d'un diálogu que surde de la necesidá de reflexonar sobre les sinerxes qu'afloren na sociedá. Dalgunes d'elles son por toos conocíes por mor de la gran repercusión mediática que suscitaron; munches otres, la gran mayoría, en cambio, asocende nel más atronador de los silencios. La conciencia manda y incita a sacales a la lluz y reflexonar sobre diches aiciones.

Los protagonistes indiscutibles d'esti trabayu tán presentes dende un primer momentu. Per un llau, el pollín, aludiendo a la supremacía masculina y, per otro, la braga, elementu con clares connotaciones femenines. Dicía Bellmer, na so obra 'L'Anatomie de l'Image' que la oposición ye necesaria pa que les coses esistan y se forme una tercera realidá. ¿Qué rellación hai ente estos elementos? Esta entruga va surdir inevitablemente na mente del qu'observa, yá que la interacción ente estos dos elementos constitúi el filo conductor del trabayu.

Combinar el calter espositivu col divulgativu ye ún de los oxetivos del proyeutu: la obra partió d'un contestu social y ye ésti'l que da sentíu a la obra. Ye por ello que, mientres dure'l periodu de l'amuesa, dedicaráse una sesión de dos hores a la selmana a realizar un taller d'estampación con públicu voluntariu, previa inscripción. Los oxetivos xenerales del mesmu son facer del espectador un suxetu activu al tiempu que se dan a conocer fundamentos básicos de la téunica del grabáu.

Hora: llunes a sábadu de 11 a 14 y de 17 a 21h

Preciu: de baldre

Sitiu: 
Sala 1 del Valey Centru Cultural de Castrillón
Localidá: 
Castrillón
Tipu d'eventu: 
Esposiciones
Contador Estadistiques