Espaciu y Tiempu de la Llingua Asturiana

Tema VIII: Los posesivos

Los posesivos n'asturianu van precedíos del artículu indetermináu y presenten formes distintes según tean en función axacente o forma antepuesta (delantre del nome) o función nominal o forma pospuesta (tres del nome).

Formes axacentes

Un poseedor:

    masculín femenín
1ª persona sg. el mio la mio
1ª persona pl. los mios les mios
2ª persona sg. el to la to
2ª persona pl. los tos les tos
3ª persona sg. el so la so
3ª persona pl. los sos les sos

Dellos poseedores:

    masculín femenín
1ª persona sg. el nuesu~nuestru la nuesa~nuestra
1ª persona pl. los nuesos~nuestros les nueses~nuestres
2ª persona sg. el vuesu~vuestru la vuesa~vuestra
2ª persona pl. los vuesos~vuestros les vueses~vuestres
3ª persona sg. el so la so
3ª persona pl. los sos les sos

Na fala de la zona occidental d'Asturies los posesivos presentes variación de xéneru pa un poseedor (non como nel asturianu estándar nel que les formes masculina y femenina son la mesma. Les formes occidentales más comunes son: la mía, las mías, la tua, las túas, la súa, las súas.

 

Formes nominales

Un poseedor:

    masculín femenín neutru
1ª persona sg. míu mía mío
1ª persona pl. míos míes ----
2ª persona sg. tuyu tuya tuyo
2ª persona pl. tuyos tuyes ----
3ª persona sg. suyu suya suyo
3ª persona pl. suyos suyes ----

Dellos poseedores:

    masculín femenín neutru
1ª persona sg. nuesu~nuestru nuesa~nuestra nueso~nuestro
1ª persona pl. nuesos~nuestros nueses~nuestres ----
2ª persona sg. vuesu~vuestru vuesa~vuestra vueso~vuestro
2ª persona pl. vuestros~vuesos vueses~vuestres ----
3ª persona sg. suyu suya suyo
3ª persona pl. suyos suyes ----

¡Repara!

L'artículu, que normalmente aparez col posesivu, desaparez en dellos casos nos que los posesivos anteceden a dellos nomes, pricipalmente familiares.

Mio casa o La mio casa

To pá (tu padre) o El to pá

 

Dellos exemplos de posesivos

a) En función nominal

Esa ye la fía mía (Esa es la hija mía)

Esi ye'l fíu míu (Ese es el hijo mío)

Eso ye'l carbón mío (Ese es el carbón mío)

b) En función axacente:

Esa ye la mio fía

Esi ye'l mio fíu

Eso ye'l mio carbón

 

Formes perifrástiques

N'asturianu hai otra forma na que pue aparecer el posesivu: les formes perifrástiques. Nesti casu la forma emplegada ye siempre la neutra depués de la preposición de.

(de mio, de to, de so, de nueso, de vueso)

Ye'l fíu de nueso

Ye la fía de to

Ye'l carbón de so

 

Exercicios

Corrixe los errores de les siguientes frases:

Nuestra ma llega mañana de viaxe (Nuestra madre llega mañana de viaje)


 

To regalu prestó-y muncho (Tu regalo le gustó mucho)


 

Tu profesor ye estrictu (Tu profesor es estricto)


La casa del alcalde del mi pueblu ye vieya (La casa del alcalde de mi pueblo es vieja)


Cuando paso pela finca del su güelu el perru de mi pá nun s’atreve a entrar (Cuando paso por la fina finca de su abuelo el perro de mi padre no se atreve a entrar)


Xuan y tu hermana nunca podríen ser pareya (Juan y tu hermana nunca podrían ser pareja)


Colos conocimientos que tienes hasta agora, pasa al asturianu les siguientes frases:

Tus árboles(forma nominal)


 

Nuestro padre (forma axacente)


 

Vuestra comida (forma perifrástica)


 

Su avión llega tarde (forma axacente)


 

Mis hermanas (forma nominal)


 

Sus estudios (forma perifrástica)


 

Tu sidra (forma axacente)


 

Tu dejadez (forma axacente)


Mi dinero (forma nominal)


Nuestras empresas (forma axacente)


Sus deseos (forma perifrástica)


Pasa estes frases a la forma posesiva perifrástica.

El so llibru


L’asturianu ye la nuesa llingua


Esti ye’l mio coche


La so casa ye azul


Coloca’l posesivu correctu nestes frases atendiendo al númberu, xéneru y persona:

El (primera persona del singular) llibru


Les (tercera persona del plural) cases


Les fíes (primera persona del plural)


¿Esi coche de quién ye? ¿Ye’l (segunda persona del singular)?


 

 

 

Y YÁ QUE TAMOS

 

Dientro del folk Felpeyu ye otra de les bandes referentes de la música asturiana. Nel so repertoriu cuenten con temes instrumentales y otros munchos cantaos que con lletres y melodíes que dexen buelga, como ye’l casu d’esti ‘Los fayeos de mayo’.

 

Refrán

Antroxu, antroxu, el mio pote con carne y el tuyu con fenoyu (Carnaval, carnaval, mi pote con carne y el tuyo con hinojo). Vien a significar que nes celebraciones d’Antroxu, anque en teoría queden en suspensu las diferencias sociales y les sos convenciones, éstes caltiénense.

 

Bilordiu

L’asturianu tien esceiciones nel usu del posesivu con nomes de parentescu cercanu. Esti artículu afonda en delles cuestiones d’esti aspeutu.

 

 

Escritora

Una figura importantísima na nuesa lliteratura ye Xosefa de Xovellanos, hermana del ilustráu. Ye la la primer escritora conocida en llingua asturiana y tuvo una gran actividá lliteraria, rescamplando como una gran poeta. Más

 

Dellos poemes de Xosefa de Xovellanos:

 

 

Preparativos pa la proclamación de Carlos IV n'Uviedo

Proclamación de Carlos IV n'Uviedo

Funciones de Xixón n'honor de Xovellanos

 

 

 

 

 

 

 

 

 

Cola ayuda de

Coneyería d'Educación y Cultura

Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques