Noticies a La Gueta

Más de 21.000 escolinos deprenden asturianu

21.946 ye’l númberu total d’escolinos que deprenden la nuesa llingua nos colexos ya institutos nesti cursu 2009/2010. Sicasí, los datos son bien estremaos según el nivel. Mientres na Educación Primaria’l 90,6% de los centros ufren llingua pal 55,4% de los escolinos (17.053 matriculaos), vemos como nel Bachilleratu namás hai matriculaos 374 alumnos (el 3,7%) nos 24 institutos, d’un total de 71, qu’ufren l’asignatura.
Na ESO, la mayoría de centros de la enseñanza pública imparte l’asignatura, 87,3% del total. Pero namás hai 3.613 matriculaos (el 18,03%) en llingua asturiana.

Lleer más

Pintar-Pintar busca nueves histories

La editorial asturiana Pintar-Pintar, especializada nel ámbitu de los álbumes ilustraos, ta a la busca de testos n'asturianu de Lliteratura Infantil y Xuvenil colos qu'entamar nuevos proyectos d'edición. Pintar-Pintar tien tres llinies editoriales bien definíes: divulgación, poesía ilustrada y narrativa.

Lleer más

Consuelo Vega presenta l'Axenda Didáctica Escolar

Músicos y cantantes como Anabel Santiago, Chus Pedro (Nuberu), Toli Morilla o Xune (Dixebra), grupos de teatru como Quiquilimón, Kumen o Higiénico Papel, monologuistes como Milio'l del Nido, o escritores como Vicente García Olvia, ofrecerán actuaciones, talleres y charres a los estudiantes de Primaria y Secundaria de tolos centros educativos que lo soliciten.

Lleer más

La editorial Pintar-Pintar estrena una versión n'asturianu de la so web

La editorial asturiana Pintar-Pintar acaba facer pública, pente medies de los calces que nos apurren les redes sociales, l'estrenu de la versión n'asturianu de la so páxina web. Hasta esti momentu, y pese a tratase d'una editorial qu'espubliza bien de llibros de Lliteratura Infantil y Xuvenil n'asturianu y fala, namás yera posible consultar la información tocante a la empresa y el so catálogu editorial na so versión castellana.

Lleer más

Yá puen consultase les actividaes de la "Axenda Didáctica Escolar"

Sol títulu de "Axenda Didáctica Escolar", la Conseyería de Cultura y Turismu pente medies de la Dirección Xeneral de Política Llingüística, presenta una nueva ufierta d'actividaes pal cursu 2009 - 2010. Como n'años anteriores l'oxetivu principal d'estes actividaes ye averar la lliteratura y la música asturiana al públicu mozo de la mano d'escritores, actores y músicos.

Lleer más

La LLIX n'asturianu ta presente nel especial de la revista CLIJ

La revista Cuadernos de Literatura Infantil y Juvenil (CLIJ) dedica'l so númberu d'ochobre al panorama de la Lliteratura Infantil y Xuvenil a nivel estatal. Nesi contestu especialistes na lliteratura pa la reciella de les diferentes llingües del estáu faen, al traviés de dellos artículos, un repasu peles producciones del añu y les perspectives de futuru del panorama editorial y creativu.

Lleer más