El veteranu ciclista vascu Amets Txurruka (Caja Rural-Seguros RGA) consiguió’l so primer ésitu como profesional al algamar la etapa inicial y la xeneral de la LVII Vuelta a Asturies. Javi Moreno (Movistar) ganó la XLVII Xuba al Naranco.
Toni Fidalgo, presidente del Uviéu, confirmó que’l 3 de xunetu va tener llugar una xunta xeneral estraordinaria d’accionistes col oxetivu de camudar el conseyu d’alministración. El rexidor de la entidá dixo “tar hasta los güevos”.
José Ramón Tuero, direutor xeneral de Deportes, anunció esti miércoles que la temporada d’esquí va allargase una selmana más pola cantidá de nieve acumulada nes estaciones. Asina, ésta va zarrase’l 7 d’abril y non el Domingu santu.
El I Troféu Benéficu de Fútbol-sala ‘Asturies por África’ va tener llugar esti xueves nel Florida Arena. Los veteranos del Uviéu y del Universidá van enfrentase pa recaudar perres pa construyir un pozu d’agua potable nun pueblu de Gambia.
Fútbol Club Barcelona, Espanyol y los clubes catalanes que militen en Segunda y Segunda División B comprometiéronse a trabayar pa la “internacionalización” de la seleición del país. Namái L’Hospitalet refugó roblar esti conveniu.
La posibilidá de que Xibraltar y los sos clubes puedan disputar competiciones internacionales inquieta al Gobiernu d’España. Asina lo treslladó’l presidente del CSD, Miguel Cardenal, al de la FIFA nuna xunta na sede del organismu en Zürich.
Manuel Sánchez Murias ‘Manolo’ dexó esti xueves de ser entrenador del Sporting. La imaxe mala del equipu nel partíu de Copa contra’l Mirandés, pese al trunfu final (2-1), llevó al conseyu d’alministración a sustituyilu por José R. Sandoval.
Xibraltar –y los sos clubes– podría nun plazu breve competir internacionalmente tres la decisión de la UEFA d’almitir a la federación del territoriu británicu d’ultramar como “miembru provisional”. España anunció que va tratar d’evitalo.
L’atleta Alberto Suárez Laso (Riosa, 1977) algamó la medaya d’oru na maratón categoría T12, pa persones con deficiencies visuales, y el récor del mundu nos Xuegos Paralímpicos. Trátase de la única medaya asturiana en Londres.
Alberto Contador atacó otra vuelta a Joaquim ‘Purito’ Rodríguez nes rampes del puertu Payares y del Cuitunigru, onde ganó l’italianu Cataldo. El catalán aguantó de forma espectuacular y inclusive aumenta la ventaya col de Pinto en seis segundos.
La etapa de Los Llagos d’Enol y La Ercina nun defraudó y deparó un duelu espectacular ente Purito y Contador, los dos favoritos a llevase La Vuelta. Esta llucha va vivir esti llunes un episodiu nuevu nes rampes del Cuitunigru, novedá na ronda.
Esti miércoles, a les 21.30 hores –20.30, hora llocal–, va tener llugar la ceremonia inaugural de los Xuegos Paralímpicos de Londres. Asturies va tar representada n’Inglaterra por cuatro deportistes con opciones de medaya.
Pese a que la organización de La Vuelta comprometióse col Gobiernu d’Asturies a utilizar la toponimia oficial del país, na so páxina web mantién los topónimos castellanizaos. Mañana principia la ronda ciclista n’Iruña con un prólogu.
Un oru y un bronce. Ésti foi’l resultáu algamáu polos ocho deportistes asturianos que participaron nos Xuegos Olímpicos de Londres, que finaron el domingu con un gala de clausura espectacular protagonizada pola música británica.
Esti vienres, a les 22 hores hora asturiana –21, hora llocal–, va dar entamu la gala inaugural de los trixésimos Xuegos Olímpicos de la era moderna. Un total d’ocho asturianos van pelear por tornar de Londres con una medaya.
Alredor de 8.000 persones acudieron el martes a El Molinón a la misa-homenaxe a Manuel Preciada oficiada por Fernando Fueyo. Aficionaos al fútbol de toda Asturies y de Cantabria nun quixeron faltar a esta emotiva despidida.
Un infartu acabó esta madrugada cola vida de Manuel Preciado, ex entrenador del Sporting. El cántabru, de 54 años, taba en València y el Villarreal diba presentalu esti vienres como téunicu del equipu castellonense pa esta temporada.
El pelotón de la LVI Vuelta a Asturies-Julio Álvarez 'Mendo' principió esti vienres a dar pedales con una etapa ente Uviéu y Xixón. Esta edición ye la más curtia de los años últimos al celebrar namái trés etapes, incluyida la XLVI Xuba al Naranco.
L’asamblea de socios celebrada’l vienres en Sotrondio decidió la retirada del CD San Martín de la preferente y complica’l futuru de la entidá, que mantién de momentu los equipos de base. D’esta forma, namái dos clubes baxarán a primera esti añu.
El CD San Martín presentóse al so partíu correspondiente a la xornada 25 de preferente pese a la negativa inicial del so presidente, Jesús González Hevia. La mediación de la Federación y el Conceyu dan aire al club de Sotrondio.
