Skip to content
Entamu » Sección

Ecoloxía

30-07-2009

La industria estatal xeneró más residuos, concretamente 60,7 millones de tonales nel 2007, una cifra que representa un 2,4 por cientu más que nel 2006, según los últimos daos de la 'Encuesta sobre la Xeneración de Residuos' del 2007, y fecha pública pol Institutu Naciones d'Estadística (INE). Amás, del total, 2,2 millones rexistráronse como peligrosos, según la normativa comunitaria.
30-07-2009

La Diputación de Lleón ta acabante d'aprobar por unanimidá en sesión plenaria ordinaria dos mociones presentaes pol PP y el PSOE nes que se manifiesta'l refugu hacia la execución de la llinia d'alta tensión Sama-Velilla. La diferencia de dambes mociones reside nos destinatarios de les mesmes, dao que'l documentu, presentáu pol PP,ta dirixíu al Ministeriu de Mediu Ambiente y Mediu Rural y Marín, mientres que la moción presentada pol PSOE se remite a la Xunta de Castiella y Lleón y al Principáu.
28-07-2009

Ecoloxistes n'Aición 'premió' nel 2009 a 311 playes españoles con 'banderes negres' por una degradación ambiental alta y con grandes amenaces sobre los sos ecosistemes y socioeconomía, y a 392 llugares con 'puntos negros' por tratase d'espacios con pequeños o puntuales impactos qu'agraven la situación, según informó güei tres la presentación del so informe 'Banderas negras 2009. La crisis, una oportunidad para la costa'. Nel mesmu inclúinse 21 'banderes negres' y 13 'puntos negros' na costa asturiana.
27-07-2009

La Conseyería de Mediu Rural del Gobiernu asturianu nun tien previstu entamar nenguna midida pa llendar la espansión de les plantaciones d'ocalitu, asemeyada a l'aprobada pol Ayuntamientu d'Illas, xestionáu igual que la cartera autonómica por IU-BA-Verdes. La Coordinadora Ecoloxista pela so parte exixe que se reduza l'actual superficie ocupada por esta especie, mientres que los madereros piden que se consulte colos propietarios de finques la posibilidá de permitir nueves plantaciones.
23-07-2009

La Tertulia Pachín de Melás, que dende hai unos meses vien desarrollando en Xixón alderiques abiertos sobre bayura de temes sociales y culturales, anuncia pa esti xueves 23 de xunetu un nuevu alderique col títulu de "Regasificadora en Xixón. Necesidá y peligros". Nelli van participar Leopoldo García, portavoz de la Plataforma Regasificadora NON, Paco Ramos d'Ecoloxistes n´Acción y Ramón González "Turón", vecín afectáu.
22-07-2009

n total de 19 oses pardes identificaes llogró sacar alantre a 37 críes nel Cordal Cantábricu demientres 2008, d'acordies colos datos del censu d'oses con cría que realicen los gobiernos autonómicos d'Asturies, Cantabria y Castiella y Lleón, conxuntamente cola Fundación Osu Pardu. Per zones, les poblaciones occidentales tán nuna situación de reproducción más favorable que les orientales.
17-07-2009

El presidente del PP d'Asturies, Ovidio Sánchez, esixó'l desmontaxe y la retirada de les torres d'alta tensión del primer trazáu de la llinia eléctrica que pasa ente Lada, en Llangréu, y Velilla del Río Carrión, en Palencia, nel tramu que pasa pel nuesu país, paralizáu pola UE por razones medioambientales, qu'amás ordenó l'esmantelamientu de les mesmes.
08-07-2009

Greenpeace ta acabante d'asoleyar la novena edición del informe "Destrucción a Toda Costa", correspondiente a esti 2009. Nelli afítase qu'Asturies ye, depués del País Vascu, la comunidá con menos Espacios Naturales Protexíos (ENP) de la so costa. Namás 63,6 km tienen dalguna figura de protección asturiana o europea, lo que representa un 15,6% de la costa.
02-07-2009

La Coordinadora Ecoloxista d’Asturies esixe a la Viceconseyería de Mediu Ambiente la paralización de la cantera de Peridiella, en Belonciu (conceyu de Piloña), perteneciente a Áridos Piloña, una cantera de caliza que se lleva esplotando dellos años y que "nun cumple nenguna de les condiciones ambientales impuestes na ultima tramitación, hai 5 años".
24-06-2009

El Principáu concedió l'autorización ambiental a la compañía Asturiana Xeneración d'Electricidá, participada pola irlandesa ESBI, pa la instalación d'una planta de ciclu combináu en Corvera. Esta autorización recueye los aspeutos medioambientales exixibles tanto pol Conceyu de Corvera como pol Principáu, el Gobiernu d'España y la Unión Europea.
22-06-2009

La Coordinadora Ecoloxista d'Asturies ta acabante denunciar énte la Confederación Hidrográfica del Norte, la Demarcación de Costes y el Serviciu de Protección de la Naturaleza de la Guardia Civil (Seprona) un vertíu asocedíu'l pasáu vienres na ría de Villaviciosa na zona del paséu de la Barquerina, que causó la muerte de cientos de pexes.
12-06-2009

El colectivu Ecoloxista d'Avilés solicitó a la Demarcación de Carreteres y a la Direición Xeneral de Biodiversidá del Principáu que modifique la resolución, onde s'anuncia'l futuru trazáu de la nueva carretera AS-17, Avilés-Puertu Tarna, pa la conexón per autovía ente Avilés y Llanera.
10-06-2009

Según informó al traviés d'un comunicáu, el colectivu pudo comprobar que l'Autoridá Portuaria de Xixón ta conectando a les dragues a una tubería flotante, pa efectuar el vertíu de los materiales con destín a l'ampliación del puertu, lo qu'al so xuiciu ye una "clara evidencia de que la so denuncia yera rigurosa y bien fundamentada".
05-06-2009

El Ministeriu de Mediu Ambiente y Mediu Rural y Marín (MARM) sancionó a la empressa ArcelorMittal España S.A. con 150.000 euros y la obligación d'indemnizar polos daños causaos al dominiu públicu hidráulicu con 1.380.15 euros, pola apaición de manches de vertíos d'hidrocarburos nel cauce de la ría d'Avilés, según consta nuna Resolución del Ministeriu con fecha de 4 de mayu.
03-06-2009

El secretariu de Mediu Ambiente del PSOE a nivel estatal, Hugo Morán, xustificó güei la instalación n'Asturies de dellos equipamientos criticaos pol so impautu visual o'l so supuestu carácter contaminante, como la llinia eléctrica Lada-Velilla, o la planta regasificadora d'Aboño, como pasos hacia'l "modelu enerxéticu sostenible" que, según aseguró, defende la so formación.
 
01-06-2009

La Coordinadora Ecoloxista ta acabante de solicitar al Gobiernu asturianu la paralización cautelar de los sondeos que se tan faciendo pa la mina d'acebache d'Oles (conceyu de Villaviciosa) por parte de la empresa Garaysam SL. La razón d'esta solicitú son "los incumplimientos constantes dende qu'entamaron de les condiciones ambientales impuestes pola Conseyería d'Industria y Empléu pal plan de llabores".
28-05-2009

El Ministeriu de Mediu Ambiente y Mediu Rural y Marín va invertir 17,5 millones d'euros n'actuaciones de desarrollu rural sostenible en 30 reserves de la biosfera, que xestionen les comunidaes autónomes, asina como corporaciones llocales. Ente elles, tán les asturianes de Redes, Somiedu y Muniel.los.
 
21-05-2009

El Ministeriu de Mediu Ambiente y Mediu Rural evaluó favorablemente'l proyeutu de Variante de la llinia eléctrica a 400 KV Sotu Ribera-Penagos, nel conceyu de Piloña (Asturies), siempre y cuando s'autorice na alternativa elixida y nes condiciones señalaes na Declaración d'Impautu Ambiental (DIA), deducíes del procesu d'evaluación.
30-04-2009

La Viceconseyera de Mediu Ambiente, Belén Fernández González, aconceyóse en L'Infiestu colos alcaldes de Colunga, Parres, Caravia y Piloña, p'avanzar na declaración del Paisaxe Protexíu del Sueve. Trátase del segundu alcuentru ente los responsables de l'Alministración autonómica y los conceyos afeutaos, a la que tamién se sumaron los representantes de la Xunta d'alministración de la Comunidá de Ganaderos del Sueve.
23-04-2009

La Coordinadora Ecoloxista d'Asturies afita qu'énte "les continues declaraciones sobre les bondaes p'Asturies del Tren d'Alta Velocidá (AVE) Cantábricu, queremos reclamar qu'enantes de marafundiar recursos públicos que son limitaos habrá qu'estudiar si esta ye la meyor opción ambiental y económica pa meyorar el serviciu ferroviariu que yá tenemos y valorar adecuadamente si'l fuerte impactu ambiental ye asumible".