Narbona atribúi les inundaciones n'Asturies al cambiu climáticu

|

Cristina Narbona señaló en Xixón que la comunidá científica ta cada vez ta más convencida que'l cambiu climáticu ta teniendo llugar y citó como exemplu les inundaciones vivíes nel país.

Asina, la ex ministra de Mediu Ambiente y embaxadora española ante la OCDE en París, encamentó que se consideren los temes medioambientales con más urxencia que nel pasáu.
  
Na so opinión, el fechu de que tuviéremos un periodu más fríu o lluviosu esta primavera nada cambia un enclín nel ascensu mediu de les temperatures y de la intensidá de fenómenos adversos como los acabantes de vivise n'Asturies. Asina lo dixo antes de participar nun seminariu sobre l'Estáu del Bienestar na casa del Pueblu.
  
Narbona apostó por ser prudentes na cuestión de la ordenación del territoriu a la hora de construyir nuna zona onde pue sufrir nel futuru inundaciones. El cambiu climáticu va facer más frecuente'l que se repitan fenómenos intensos y adversos.
  
Coles mesmes, apuntó que'l país que más ta invirtiendo n'enerxíes renovables ye China, siguida d'EE.UU. La ex ministra señaló que'l petroleu "tien fecha de caducidá" y que va ser preciso dir a un cambiu de modelu enerxéticu.
  
Per otru llau, llamentó qu'a los ciudadanos-yos llegue de vez en cuando más la información d'asuntos banales como la sospecha d'elementos incorrectos nel Panel Esternu de Naciones Uníes, que sobre les alertes de los científicos, esto ye, que la meyora del cambiu climáticu ye muncho más rápida que les previsiones que se ficieron hai unos años.
  
Según ella, tán desfaciéndose muncho más rápido los glaciares, qu'hai más perda de calildá de los suelos y que son los gobiernos los que tienen que mostrar un compromisu de futuru. Nesti sen, indicó que pese a nun haber un acuerdu internacional, países como China y EE.UU tán realizando altes inversiones públiques pa cambiar el so modelu producitu nel sen d'emplegar enerxíes más llimpies

Comentarios

Porque se usa la pallabra del castellan "inundaciones "i non  n'asturianu la pallabra per guapa"LLENES". ye de sobrau lo que ya usamos en castellan.

Señora Narbona, usté nun se pon d'alcuerdu nin colos responsables de les estayes de cambiu climáticu del so Ministeriu. ¿Conoz usté los períodos de retornu de les llenes que se producieron n'Asturies estos díes? La rempuesta ye NON, si ya pon de manifiestu'l so interés por culpar al cambiu climáticu. ¿Sabe qué ye lo que-y pasa? Nun será que agora interésa-y al so ministeriu poner la culpa n'otru lláu pa nun asumir les responsabilidaes poles irregularidaes cometíes na construcción de carreteres, edificación d'hospitales en zones de riesgu o con obres que nun teníen estudios de les consecuencies, como nel casu d'El Bao, en casu de llenes?
Mire señora Narbona, cuando el furacán Katrina tol mundu señaló al cambiu climáticu como responsble. Pero naide pensó que la ciudá taba construyida baxo'l nivel del mar, lo cual ya ye motivu de responsabilidá política por permitir tala llocura. Pero non, echándo-y la culpa al CC naide pagó por ello.
 ¿Y sabe quién comparte esta tesis? Pues científicos y meteorólogos espertos en cambiu climáticu, del so propiu ministeriu, trabayadores de la so Axencia de Meteroloxía española! Asina que dexe d'esbabayar y asuma responsabilidaes! Nun ye que la comunidá científica tea más convencida del cambiu climáticu, ye que la comunidá política ta más enfotada cada día en qu'ello seya asina pa tener daqué inmaterial a lo que garrase cuando NUN SE SABEN FACER LES COSES.

«Faigo por vete, peles cais, nos lletreros... faen por borrate, de los mios güeyos y manes... pero nun son quien a ello»

D'alcuerdu 100 % contigo, Triskelo.

Contador Estadistiques