El PSOE ye’l partíu más votáu n’Asturies nunes eleiciones europees de menor participación
|
25 Mayu, 2014 por Pablo R. Guardado
- Inicie sesión o rexístrese pa espublizar comentarios
Con un 26,07 por cientu del total de votos (col 99,11 por cientu escrutao), el PSOE foi la formación con más apoyos n’Asturies. El PP rexistró un 24,10 por cientu y Podemos conviértese na tercer fuercia del país, con un 13,66 por cientu.
Dalgo menos, un 12,92 por cientu, sumó La Izquierda Plural, mentes qu’UPyD algamó un 6,02 por cientu. Foro de Ciudadanos, con 15.943 votos, rexistró un 4,24 por cientu, mentes que Ciudadanos destacó con un sorprendente 2,49 por cientu. Tamién superen el 1 por cientu Escaños en Blanco (1,40), VOX (1,29) y PACMA (1).
Andecha Astur, integrada nestes eleiciones en Los Pueblos Deciden –que suma un escañu–, ameyoró los resultaos d’hai cinco años al pasar de 806 votos (0,19 por cientu) a 1.377 (0,36 por cientu), anque queda relegáu como’l decimocuartu partíu na llista de los más votaos n’Asturies.
Nestes eleciones, al contrario de lo asocedío nel Estáu, la participación foi menor. Nel 2009 el 44,14 del total acudió a votar, mentes que güei la cifra descendió al 43,26 por cientu. Otra manera, hebo un 2,54 por cientu de votos en blancos (1,41 por cientu nes anteriores) y un 1,53 por cientu (0,63) de nulos.
Conteníu especial:
Efrén d'Andrés
Lo + visto de la selmana
