Podemos celebra'l 25 de mayu como'l Día d'Asturies con un conciertu de Dixebra

|
Cova Tomé y Xune Elipe n'Uviéu

La formación morada va entamar en Xixón l'actu central de campaña con intervenciones polítiques y delles actuaciones musicales.

Mañana, 25 de mayu, cuando se cumplen 215 años de la declaración de soberanía de la Xunta Xeneral, Podemos va celebrar esta fecha como'l Día d'Asturies. Va facelo con un actu políticu y conciertu que va tener llugar dende les 19 hores na sala Albéniz con accesu llibre.

Van intervenir les candidates a la presidencia d'Asturies y a l'alcaldía de Xixón, Cova Tomé y Olaya Suárez, de manera respeutiva. Tamién Xune Elipe, númberu 2 de la llista a la Xunta Xeneral, y Laura Tuero, la 3.

Los Gascones van animar l'eventu que va contar tamién con una actuación de Fe de Ratas, prevista pa les 20.15 hores. Va pesllar la folixa Dixebra, grupu del que ye cantante y fundador Elipe, a les 21.30 hores.

Na semeya, Tomé y Elipe'l domingu n'Uviéu, ciudá onde se celebraba L'Ascensión.

Contador Estadistiques