Más de la metá de los 250 finaos últimos con COVID-19, ensin vacunar o con pauta incompleta

|
Pablo Ignacio Fernández Muñiz
Esti miércoles, xornada con 3 finaos na que se rexistró una baxada nel númberu d'hospitalizaos, detectáronse 3.414 casos nuevos.
 

El conseyeru de Salú, Pablo Ignacio Fernández Muñiz, confirmó ayeri que de les 250 persones últimes que finaron con COVID-19 nel país "más de la metá, 127, nun taben vacunaes o teníen pauta imcompleta". "Cuantifícase nun riesgu de morrer 18,1 veces superior a les persones con pauta completa de vacunación", aseguró darréu emplegando los datos que presenta l'informe últimu del Observatoriu de Salú n'Asturias.

Na xornada d'ayeri perdieron la vida cola enfermedá causada pol coronavirus SARS-CoV-2 dos muyeres de 88 años y un home de 56. El total nel andanciu asítiase en 2.233.

Los contaxos tornaron a xubir y yá se pasó la cifra de 150.000 positivos na pandemia: 150.985 casos confirmaos. Asina detectáronse 3.414 polos 3.373 del día anterior, anque los datos oficiales rexistren 2.919.

No que respeuta a les hospitalizaciones, diose una baxada al pasar de 422 a 410, de los que 56 siguen na UCI. En planta, mentes, hai un total de 354 pacientes, 12 menos.

 

 

Contador Estadistiques