Graciela Blanco sustituyirá a Díaz al frente de Bienestar Social

|

La direutora de l'Axencia Asturiana de Cooperación al Desarrollu, Graciela Blanco, será la conseyera nueva de Bienestar Social y Vivienda. Sustitúi a Esther Díaz tres la so dimisión.

Entovía nun se conoz cuando va facese efeutivo'l nomamientu, anque la intención del Executivu asturianu ye que se produza pronto. Nacida en Barredos nel 1974, Blanco ye llicenciada n'Alministración y Direición d'Empreses y tien trabayao como téunica nel Conceyu de Llangréu mientres l'alcaldía de Díaz, que la nomó direutora de l'Axencia Asturiana de Cooperación tres la so llegada al Gobiernu.

La ex conseyera de Bienestar Social y Vivienda decidió abandonar el cargu el llunes pasáu tres salir a la lluz en prensa nueve díes enantes la so participación en Davelco, empresa alministrada pol so maríu y subcontratada por axudicataries d’obres públiques.

Contador Estadistiques