Noticies a La Gueta

Yá ta na cai l'álbum "Colores y más colores"

Con testu de MªRosa Serdio ya ilustraciones d'Esther Sánchez sal a la cai l'álbum ilustráu "Colores y más colores", editáu por Pintar-Pintar Comunicación.
El llibru xuega cola doble influencia creativa de los versos inspiraos nos oxetos colos que venceyamos davezu los colores, y les obres pictóriques de xenios del color como Claude Monet, Joaquín Sorolla, Vincent Van Gogh o Gustave Klimt.

Lleer más

Suatea convoca unes nueves Xornaes de Llingua Asturiana y Educación

El Sindicatu de la enseñanza  tien convocao pa los próximos díes 19 y 20 una nueva edición de les Xornaes  que yá desarrollara na primavera del 2008.

Lleer más

Xesús González Rato: “Tornar Harry Potter paecióme una mui bona idega pa esparder la lliteratura n’asturianu ente los más mozos”

Entrevistamos a Xesús González Rato, la persona que fizo que’l magu más famosu de la Lliteratura Xuvenil pueda lleese n’asturianu. “Harry Potter y la piedra filosofal” primer entrega de la saga qu’ideara la escritora británica J.K. Rowling, ta nes llibreríes dende’l pasáu mes d’avientu. Comentamos col traductor éstes y otres coses al rodiu de la obra.

Lleer más

Xixón celebra'l Día Internacional del Idioma Maternu

La Oficina de la Llingua de Xixón va celebrar el Día Internacional del Idioma Maternu nel IES Padre Feijoo, con esposiciones, llectures y un karaoke multillingüísticu.
La cita ye nesi centru escolar, con aula d'acoyida llingüística, el llunes 22 a les 12.30 hores. Ye’l setu añu consecutivu que s'entama la celebración “col envís de dar a conocer la importancia de  les llingües y la diversidá cultural ente la xente mozo al tiempu que camienten sobre'l papel qu'ellos puen cumplir nel respetu y espardimientu de les llingües, entamando pola propia, l'asturianu”.
 

Lleer más

Nava acueye la esposición del VII Concursu de Cómic

La Casa de Cultura Marta Portal de Nava acueye hasta'l próximu día 29 de xineru la esposición que recopila los meyores trabayos presentaos a la VII edición del Concursu de Cómic n'asturianu qu'organiza añalmente la Comarca la Sidra.

Lleer más

Naz la páxina "Los viaxes de Trassg"

Xosé Ramón Martín Ardines y Anxan Martín Arango son los autores de "Los viaxes de Trassg" una nueva páxina n'asturianu pa neños y neñes que se presentara'l pasáu 20 de payares na Casa de la Xuventú de Samartín del Rei Aurelio, cola presencia de la conceyal de Cultura Gema Suárez Torre.

Lleer más